Қостанай облысы әкімдігі білім басқармасының "Қарабалық ауданы білім бөлімінің Мұхамеджан Сералин атындағы жалпы білім беретін мектебі" КММ
КГУ "Общеобразовательная школа имени Мухамеджана Сералина отдела образования Карабалыкского района" Управления образования акимата Костанайской области

Опубликовано: 21 апреля 2025

15 сәуір – Махаббат күніне арналған ерекше кездесу

15 сәуір күні қазақ халқының махаббат символына айналған Қозы Көрпеш пен Баян Сұлу күніне орай, Мұхамеджан Сералин атындағы мектепте 9–11 сынып оқушыларының қатысуымен әсерлі кездесу өтті.

Шараға ұзақ жылдар бойы бірге өмір сүріп, отбасылық өмірдің қадірін білген ардагерлер шақырылып, олар өздерінің өмірлік тәжірибелерімен, махаббат пен сыйластық туралы шынайы әңгімелерімен бөлісті.

Ардагерлердің жүрекке жылы сөздері жас ұрпаққа үлкен өнеге болды. Оқушылар махаббат, адалдық, сенім сияқты құндылықтардың маңызын терең түсініп, өз ойларын ортаға салды.

Бұл кездесу Қозы мен Баяндай шынайы сезімдердің әлі де бар екенін дәлелдегендей әсер қалдырды.

Опубликовано: 26 марта 2025

🎒 1 сәуірде бірінші сыныпқа құжаттар қабылдау басталады

✍🏻 Бірінші сыныпқа өтініш қабылдау 1 сәуірде басталып, 2025 жылдың 31 тамызына дейін жалғасады.

🏫 ҚР «Білім туралы» Заңына сәйкес, 1-сыныпқа ата-анасының өтініші бойынша балалар 6 жастан бастап қабылданады. Құжаттарды мемлекеттік egov.kz электрондық үкіметі арқылы беріледі.

🔹 Қазақстан азаматтары үшін Жалпы білім беретін орта мектепке қабылдауға қажетті құжаттар тізімі:
1) ата-ананың немесе заңды өкілінің өтініші;
2) №065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты;
3) өлшемі 3х4 см сурет (2 дана)

✔️ Шетел азаматтары үшін:
Ата-аналар немесе басқа заңды өкілдер Қазақстанда уақытша немесе тұрақты тұруы керек. Шетелдіктер мектепке Қазақстан Республикасында тұрақты тұру құқығы туралы және тұрғылықты жері бойынша тіркеу туралы құжаттарды ұсынуы керек.

📌 Өтініш демалыс және мереке күндерді қоспағанда, дүйсенбіден жұмаға дейін қабылданады.
🧑‍🧑‍🧒‍🧒 Құрметті ата-аналар! Құжаттарды тапсыруды соңғы күндерге қалдырмай, балаңызды мектепке беруді алдын ала ойластыруға шақырамыз!